Biography
గాజర్ల అశోక్ అలియాస్ ఐతు
*గాజర్ల అశోక్ అలియాస్ ఐతు* (Gajjarla Ashok alias Aithu) ఒక విప్లవోద్యమ నేతగా ప్రారంభమై, ప్రస్తుతం కాంగ్రెస్ పార్టీలో రాష్ట్ర నాయకుడిగా, రాష్ట్ర పార్టీ అధికార ప్రతినిధిగా కొనసాగుతున్నారు. జన్మస్థలం, కుటుంబ నేపథ్యం, ఉద్యమ జీవితంలో తీసుకున్న కీలక నిర్ణయాలు, ఆపై రాజకీయ రంగప్రవేశం అనేవి ప్రత్యేక విశేషాలుగా నిలుస్తాయి.
కుటుంబ నేపథ్యం:
గాజర్ల అశోక్ జయశంకర్‌ భూపాలపల్లి జిల్లా టేకుమట్ల మండలంలోని వెలిశాల గ్రామానికి చెందినవాడు. ఆయన కుటుంబం విప్లవోద్యమాలకు బలమైన సంబంధం కలిగి ఉంది.
– *తల్లిదండ్రులు*: గాజర్ల కనకమ్మ-మల్లయ్య దంపతులు. వీరు తమ పిల్లలకు ప్రజల పక్షాన పోరాడే ఆత్మవిశ్వాసాన్ని నింపి, ఉద్యమ జీవన మార్గాన్ని చూపించారు.
– *సోదరులు*: రాజయ్య, సమ్మయ్య, సారయ్య (ఆజాద్, భాస్కర్), రవి (గణేష్), అశోక్ (ఐతు). వీరిలో చాలా మంది విప్లవ ఉద్యమాలలో భాగస్వాములుగా చరిత్రలో గుర్తింపు పొందారు.
విప్లవ ఉద్యమం:
– గాజర్ల కుటుంబం స్వతహాగా ప్రజా ఉద్యమాలకు బలం. 1987లో గ్రామంలో వ్యవసాయ సహకార సంఘం ఎన్నికల సందర్భంలో భూస్వామ్య వ్యవస్థకు వ్యతిరేకంగా గాజర్ల సారయ్య ఉద్యమించారు. .
– భాస్కర్ (సారయ్య) అమరత్వం: సారయ్య మావోయిస్టు పార్టీ సెంట్రల్ కమిటీలో సెంట్రల్ కమిటీ మెంబర్‌గా పనిచేశారు. 2008లో కంతనపల్లి అటవీ ప్రాంతంలో భాస్కర్ మరియు అతని సహచరి రమ పోలీసుల ఎన్‌కౌంటర్‌లో అమరులయ్యారు.
– గణేష్ (రవి): అశోక్ సోదరుడు గణేష్ కూడా విప్లవ ఉద్యమంలో చురుకుగా పాల్గొన్నారు. 2004-05లో ఆంధ్రప్రదేశ్ ముఖ్యమంత్రి వైఎస్ రాజశేఖర్ రెడ్డి హయాంలో జరిగిన ‘శాంతి చర్చల’లో ప్రతినిధిగా వ్యవహరించారు.
అశోక్ జీవితం:
ఉద్యమం నుంచి లొంగుబాటు: గాజర్ల అశోక్ అలియాస్ ఐతు దండకారణ్య స్పెషల్‌ జోన్‌ కమిటీ మెంబర్‌గా పనిచేసిన తరువాత, అనారోగ్య కారణాలతో 2016లో వరంగల్ పోలీసులకు లొంగిపోయారు. ఆయన ఆరోగ్య పరిస్థితి ఉద్యమాన్ని కొనసాగించడానికి అనుకూలంగా లేకపోవడంతో, సాధారణ జీవనానికి మళ్ళారు.
వ్యతిరేక భావాలు: ఉద్యమ ప్రస్థానంలో ఉండి, భూర్జువా వ్యవస్థకు వ్యతిరేకంగా పోరాడిన అశోక్, తన సహచరులతో కలిసి ప్రజల సంక్షేమానికి పనిచేయాలని ఉవ్విళ్ళూరారు.
రాజకీయ రంగప్రవేశం:
కాంగ్రెస్ పార్టీలో చేరిక: అశోక్ ప్రస్తుతం పరకాల నియోజకవర్గంలో కాంగ్రెస్ అభ్యర్థిగా పోటీ చేసేందుకు ముందుకు వచ్చారు. మారుతున్న రాజకీయ సమీకరణలకు అనుగుణంగా, ఆయన ప్రజల ఆకాంక్షలను నెరవేర్చడానికి కాంగ్రెస్ పార్టీలో చేరి ప్రజాక్షేత్రంలో కృషి చేయాలని నిర్ణయించుకున్నారు. ఆయన చేరిక పరకాల, భూపాలపల్లి, ములుగు, నర్సంపేట నియోజకవర్గాలలో కాంగ్రెస్ పార్టీకి గట్ది పునాదులు వేసింది.
గాజర్ల అశోక్ వ్యక్తిగతంగా ఒక విప్లవ యోధుడు నుంచి రాజకీయ నాయకుడిగా ఎదిగిన గొప్ప ప్రయాణం గడిపారు. *విప్లవ ఉద్యమానికి సంకేతమైన ఆయన*, ఇప్పుడు ప్రజాక్షేత్రంలో నిలిచి ప్రజల కోసం పనిచేయడానికి సిద్ధంగా ఉన్నారు.